自從石門區由一個純工廠大廈區變成了工商區，甚至變成了現在的生活小區之後。傳統的工廠大廈飯堂，已經執得七七八八。數數手指，真係仍然以廠大廈飯堂形式去經營的食肆，只餘下四間。其中的一間，就是達利廣場的《豐園美食》。疫情前，《豐園美食》在對面的京瑞廣場另有一間《豐園牛腩粉麵》如今合併了，一齊經營，變成了一間有茶餐小炒及有牛腩麵食的傳統工廠大廈飯堂。
首先，我是衝著《豐園牛腩粉麵》這一個牌頭而來的。所以，我一來到就要了一份牛腩墨丸粗麵。牛腩水準好，但同以前分開舖做時差了少少，麵條也整到太淋了。懷疑是當年對面麵店的師傅走了才把兩舖合併。這麵一般。
改日，想不到吃什麼好時，我又來到《豐園美食》了。這次叫了一個飯餐，蔥油豬扒飯。兩大片的豬扒，調味就只有蔥油同豉油，簡單得黎，唔會唔好食。這一個扒餐，有兩片扒，有多多的白飯，我可以說，唔會食唔飽。味道夠晒好，至少都要 KO 兩大片豬扒。
食麵的那更，跟餐是熱奶茶。茶既質素只可以說是普通，味道濃了少少，入口也不是太滑。幸好，是奶味足夠，都OK 既。
食飯的那天，天氣比較熱，就要了一杯凍奶茶。同樣，茶底很濃，是很提神的一杯。可能因為加了糖漿，凍飲的一杯，又真係好似更絲滑。
今時今日，呢間飯堂唔可以說是好好食。但平平地，地方夠佬，已經係區內工人的飲食開心地。有時真係想食返啲男人浪漫既野，這兒，OK!
餐廳名稱：豐園美食
地址：沙田安麗街18號達利廣場地下5B號舖
沒有留言:
張貼留言