這次的韓國旅行，因為是跟旅行團，所以我們好擔心酒店偏僻同太晏返到酒店，搞到冇街行。幸好，酒店位置唔算差，行去廣藏市場同惠化站大學路一帶都唔算遠。只是行程真係密到幾乎每晚回酒店都已經9點幾10點。突然，有一晚就真係食完飯，8點鬆少少就返到酒店了，梗係去行下夜街啦。我們就選擇向惠化站那一頭進發，途中，太太被珍珠奶茶吸引住了，而我亦被孫興慜的大頭照吸引住了，於是，我們就入去《Mega Coffee》，好韓國地飲咖啡，飲珍珠奶茶。
為何有孫興慜的大頭照? 因為他是這一個連鎖咖啡品牌既代迦言人。咖啡店細細的，但周圍都係孫興慜的大頭照。真係可以好開心，好 free 地同呢位 Oppa 合照打卡啊。
當晚，太太是朝珍珠奶茶而來的。但這兒並沒有珍珠奶茶，反而有一個珍珠咖啡。她點的這一杯 Brown Sugar Bubble Latte (흑당버블라떼)，在口感上，就的確同黑糖珍珠奶茶分別不大。味道上，可以說是一個淡咖啡版的珍珠奶茶，黑糖好完美地成為味道上的主角，完全是黑糖奶茶的本色。珍珠粉員多煙韌，口感非常好。
我要的，是韓國流行的 Ice Americano (메가리카노)。這一次旅程，導遊阿豬媽成日都提，韓國既 Americano 係特別淡口，個個外國人都投訴。的確，我手拿的這一杯 Ice Americano 是很淡口的。但，味道上啱我心意啊，涼涼的，冰冰的，但滲透著咖啡香，我感到滿意。
其實，我們沒有在店內飲。入鄉隨俗地一人手拿一杯，邊在惠化大學路行夜街，邊飲咖啡。成件事，係好韓劇式的小確幸。
咖啡店名稱：Mega Coffee (大學路馬羅尼埃公園店) 메가MGC커피 (대학로마로니에공원점)
地址： 대한민국 서울 종로구 대학로 79-1 (79-1 Daehak-ro, Jongno-gu, Seoul, Republic of Korea)
全南韓連鎖
沒有留言:
張貼留言