平靚正 - 生物鍾石磨腸粉

自從在國內接觸過潮式腸粉，亦即係摺摺腸粉，或正式的名字，石磨腸粉。使深深地愛上了這一種雖不滑，但米香味十足的腸粉。以前，只能在國內的街邊檔食，後來香港多左新移民，亦把這一種腸粉帶落黎香港了。而且，好多地方都有得食。這天，我同太太就係深水埗，食西九龍中心既 food court 食到悶了，就看看街鋪有甚麼好食，而就在黃金商場對面馬路，有這一間《生物鍾石磨腸粉》，我們見佢平靚正，又啱大家口味，就決定試一試。

看見價錢，已經知道這兒可真是基層市民的恩物呀。$22 一個腸粉餐，包埋一杯豆漿，可真是抵食。而且，出品還是大大份的，我想多叫一份牛肉餅，食完一份半腸粉之後，已經再食唔落野。

我點的，是牛肉蛋腸粉。膠粉，先包著一層不算薄的蛋，再卷著味道香香的蔥花碎牛肉。這可以說是以傳統港式腸粉既餡料同份量去製作的石磨腸粉，锸料夠，味道也特別香，口感也非常之煙韌。

給女兒食的，是叉燒蛋腸粉。這一種腸粉，好多時都會夾一整條菜在內，吃入口昤更有層次。同樣，加了蛋令到這腸粉升華了，不過，菜好似多過叉燒，吃起來沒那麼滿足。

太太食的，是粟米蛋腸粉，是一個真正以雞蛋同菜為主的腸粉。因為有粟米，吃起來是份外的香甜，亦因為有菜同粟米，腸粉的餡內心顯得爽爽脆脆，軟綿香口的一層腸粉，加上一層更香的雞蛋，再是甜美的菜同粟米，味道好兼有層次感。

跟腸粉就會有一杯豆漿。豆味夠濃，味道亦夠甜，當然，這一杯豆漿亦夠凍，是令我國三人都感歡喜的原因。

$22 夠晒飽，而味道又夠好，以平靚正來評價，就是這一餐的簡單總結。

餐廳名稱：生物鍾石磨腸粉

地址：深水埗欽州街41-45號地下