煲仔飯 - 飯小妖

閒逛深水埗的我們，又來到了西九龍中心的 food court 搵食了。每隔一段日子來，總會有上小新意，新食店可以去試下。而這一次，我就發現原本做韓國餐的小店換名字了，由韓式變回中式。來到店前，發現這《飯小妖》是一間標榜即叫即煲的煲仔飯小店，反正當日想食飯，就決定試下啦。

那天，只一個哥仔在店，忙忙碌碌地又要顧著煲仔飯同招待剛來店的客人。那年青人雖忙，但依然敬業樂業的收了我 order，再立即放半生米及我點選的配搭入煲，立即幫我整煲仔飯。

當日我點的是雙併飯，點了肉飯加臘味。飯夠大，餸料的份量就可以說是剛剛好。肉餅，似乎是似碎多一點，混合了蔥花，臘腸、臘肉，整體上都是香既。當然，店子選的米應該是唔錯，我打開的煲仔飯，未放豉油，已經解發出應有的米香、肉香同臘味香。整體份量夠，只是食食下會變左以食飯為主而已。

味道幾好，飯香味的也是十足。算得上是令人 happy 的煲仔飯。肉同飯的比例再接近一點的話，相信會更吸引。

小食店名稱：飯小妖

地址：深水埗欽州街37號西九龍中心8樓美食廣場32號舖