醬油拉麵之《道》

那天，獨自一人來到屯門找車房老闆取車，為食的我當然提早出門，在井財街一帶尋尋有沒有好野食啦。來到井財街，好自然會想超咖啡店同拉麵店。然而，我來的首要目標是食，所以先朝拉麵店進發。行行下，我在一個比較隱蔽既街頭，發現了這一間《道》，是一間主打醬油雞湯拉麵的小店。非常日式的裝修，看似好吸引的 menu，立即令我覺得，我不得不入去一試。

裝修，好日式。至少令我感覺到，我似是去了東京一轉，入了一間比較新派既拉麵店。唯一不同的，就是拉麵師父同店員都係講中文，講廣東話的。

濃醬油雞清湯拉麵，是這一家拉麵店推介的其中一個口味。主打的，就是一個又清，又帶點甜味道的醬油清雞湯。食麵前，輕輕地喝一口，我就已經感覺到，食完碗麵，一定要飲晒呢碗湯。

再說就是麵條，這兒 serve 的是幼麵，吸收了大量的湯汁麵，口感依然爽，而麵條的內心，亦充滿了醬油同雞湯味，很是好。叉燒半肥瘦，令人吃得開心，流心蛋的味道極濃香，又令到我既開心程度又升了幾個度數。

食晒碗麵，最後，當然要飲埋個湯落肚。又清又甜的靚湯，唔飲就真係浪費啊。而且，我更可以說，這個湯，是整份拉麵既靈魂。

很出色的醬油拉麵。利用了雞清湯，更把雞的鮮味帶入拉麵之中。整個感受好獨特，也非常之好味道。在坊間，食來食去都是豚骨拉麵，食得多都厭。偶爾遇到醬油拉麵店，我個人感覺，醬油湯係更勝豚骨湯的。

餐廳名稱：道

地址：屯門青菱徑7號華興大廈地下H號舖