竺扶大班燒味 - 人氣好燒臘

又是去迪士尼玩的一個週末了。這一次，不想留到睇埋煙花才回家了。早一點，車了老人家回大埔，就決定去大埔中心那一帶搵地方買外賣。我把車停在最多餐廳的大埔廣場對面，頓時已經發現有間門口堆滿人的餐廳。上前一望，原來是一間名叫《竺扶大班燒味》的燒臘餐廳。咁就啱晒啦，斬兩盒燒味飯，同小朋友分。

這《竺扶大班燒味》原來有一個口號。是 "燒味之魂、肉罷不能"。感覺上，好似好威水咁，這也令我同阿仔都期待著，一陣拿到的飯盒，會唔會真係 "欲罷不能" ，超級好食的呢? 

回到家，我先開這一盒叉鵝飯。有正宗梅頭肉既叉燒已經係這一間燒臘飯店的致勝之處。鵝肉方面，皮脆已經是開心的一件事。味道香，肉厚，就是好食的最基本，而且他們做到了，亦超越左我地既期望。

另一份是叉燒燒肉飯。叉燒掂已經不用再多講。而燒肉是一份好完美的五花腩肉，肉質更可以用層次分明來形容。當然，燒肉的皮是脆得很。絕對是一個令人滿意的飯盒。

外賣一試，已經令我們感到非常之滿意。當日，堂食座無虛席，外賣的人也包圍著這一只有兩間分店的燒臘飯店。看看有沒有機會找一天來堂食 (或許到灣仔店)，再報導多一次。

餐廳名稱：竺扶大班燒味 (大埔店)

地址：大埔安泰路1號大埔廣場地下61-62號舖

其他分店

餐廳名稱：竺扶大班燒味 (灣仔店)

地址：灣仔三角街2-3號華欣閣地下3號舖