此次美國行，我 spend 了一個 weekend 在 New York City。此行，我其中一個目標就是要拜訪紐約的三大唐人街。而第一個我拜訪了的，是位於 Brooklyn 區，當地人稱第八大道 (8 Avenue) 既唐人街。而我來到這兒的時間，剛好是中午要食飯既時間，咁就順便在唐人街食個中餐了。當日，吸引到我的，是這一間叫《強記餐館) (Tian Shun Restaurant) 的中餐廳。
之不過，當我真係回頭，企定定細看這餐廳有咩食之時，我發現他們有一個更吸引之處。而這餉，就是香港正在流行的 "This This Rice' 啦。再加上個價錢，真係慾罷不能呀，我一定食來個美國 style 既 This This Rice。
塞個頭入店說食三餸飯之後，我就回到櫥窗前，開始 this this this...由於負責處理食物的店大媽是廣東人，所以我可以用廣東話點餐。我就說 "呢個、呢個、唔係呢個、係果個"。
選好餐，付了錢，就自行拿入餐室，找個好位置慢慢 enjoy。有文化的我，又可以吟詩作對了，又可以用 "陋室銘" 來形容這一間餐廳了。
當日我選的，是三餸一湯飯。US$7 連埋稅，又唔駛俾 tips。真係大件夾抵食架。那天的三餸一湯飯，有雞骴，有咕嚕肉，同埋有一舊正方形既肉餅。餸，絕對是夠晒豐富同好啱中外人士既口味。咕嚕肉更可以說是正宗給外國人食，以甜為主的好味道。再加上海量的飯，令坐了一晚通宵巴士來到 New York 的我，充回了一個 full bar 的力量。
對，仲有一個湯要介紹。這一杯仔的湯，有菜有瘦肉，味道有點像大陸快餐店既湯。係外國食中餐，飲到咁樣既中式湯，算係唔錯架啦。
我一坐低時，就見到檯上的這一張 notice。吃好飯的我，收拾好，把杯碟骨頭倒落垃圾桶，就開心地完成我在紐約市的第一餐了。
吃飽，準備繼續去玩了。行出餐廳門口，身上充滿了力量。我再回到第8 大道的地鐵站。回去 Manhattan ，正式開始緊湊紐約的第一天遊。
餐廳名稱：強記餐館 (Tian Shun Restaurant)
地址：5816 8th Ave Brooklyn, New York, NY, USA
沒有留言:
張貼留言