石門站外的《LINLEE 手打檸檬茶》

手打檸檬茶店，就黎開到好似珍珠奶茶店一樣，梗有一間係左近架啦。然而，在我工作的石門小區，已經有海量的手搖飲品店。而最近新開的茶飲店，都不是傳統類型的珍珠奶茶店，而是手打檸檬茶店。就在火車站旁的《LINLEE 手打檸檬茶》，一開張已經充滿了人氣。有一日，週末一家人來到這兒買少少野，太太同小朋友，就被這店吸引住了。

 

其招牌的飲品，就是鴨屎香手打檸檬茶。當初，我唔係幾明什麼叫鴨屎香。鴨屎播，屎黎架喎，點有可能會係香架? 原來，鴨屎香係茶既品種，是鳳凰單叢茶中的一種香型。因為用上了獨得的泥土種植，所以茶的香味份外地突出。而我們手上的一杯鴨屎香手打檸檬茶，的確是一杯好香的茶，而且檸檬的味道很濃郁，再加上夠凍。大熱天時喝，絕對是消暑。

 另一杯，是鴨屎香鮮奶茶加珍珠。鴨屎香的茶，茶色不算是濃，所以，加奶之後，奶的顏色會比較突出。但，喝入口時，果然是一杯奶味同茶味都好均勻既奶茶。珍珠就一般般啦，始終，這是一間檸檬茶店而不是珍珠奶茶店。

檸茶好飲，但奶茶就一般般啦。的確，這些所謂的手打檸檬茶，一定好飲過盒裝或樽裝的檸檬茶。是茶餐廳凍檸茶以外的檸檬茶好選擇。

茶飲店名稱：LINLEE 手打檸檬茶 (沙田石門店)

地址：沙田石門安群街3號京瑞廣場1期地下GO1B號舖

全港連鎖