晨咁早《Tim Hortons》

時間又回到我在美國的頭幾日啦。那天，應該是我在美國的第三天，在 Rochester 的第二天，由於 Jet Lag 的關係，我晨咁早醒晒，醒到無可能再訓返落床果種。於是，我四點幾已經起床，到六點鐘，似乎已經會有地方會開門，可以食早餐，咁我就開車出去了。而我找到的，是我當年在加拿大，吃了一次就愛上了的《Tim Hortons》餐廳。

當年，食完《Tim Hortons》，返到香港才知道，《Tim Hortons》的咖啡是頂呱呱的。這事，一直令我耿耿於懷。這次有機會再來到美國，終於有機會了，當然不容錯過啦。

《Tim Hortons》的早餐，同一般的連鎖店美式快餐一樣，有脆薯餅一片。香脆就是香脆，而且非常之結實。充滿薯香味的脆餅，沒有絲毫的鬆散感覺。又熱又香又脆，很是醒神。

是次早餐的主食，是 Sausage & Bacon Breakfast Sandwich。我選了 homestyle biscuit 來做包底面，也就等於英國的 scones。

以  scones 來做咸點的倒是第一次食，而這一個司康餅，又同英國食慣的不同。質地比較 "硬淨" ，甜味也比較出眾。吃了一口，發現這樣配合肉食同蛋，變成一個早餐包，夾雜在甜、咸同香之問，感覺原來是如此的美妙。肉香，蛋香，芝士香，包包也香......總之，這是一個香味四溢的美滿早餐包啦。

這一次，我終於品嚐到《Tim Hortons》既咖啡啦。佢地既 mix，偏酸，味道比較 fruity，是很易入口的。回香港前，我在超市買了一包《Tim Hortons》的咖啡粉，很開心，因為我喜愛的咖啡口味，得以延續。可以，執筆的當日，剛剛飲晒了。

很 Sweet ，很滿足的一個早餐。廣告美女常說，早餐應該係要好 Sweet 既。的確，有一個好甜美既早餐，真係會感到甜蜜，幸福同美滿架。這一個《Tim Hortons》同樣做得到。

餐廳名稱：Tim Hortons (Jay Scutti Plaza 店)

地址：607 Jefferson Rd, Heniretta, Rochester, NY, USA
網址：https://www.timhortons.com/

全球連鎖