天后斬叉燒 - 康樂燒腊飯店

斬料，食叉燒飯，係香港既飲食特色之一。好多時，去食碟叉燒飯，真係仲快過去連鎖快餐店食野架。那天，行到去天后，感覺都係搵間快靚正既食事處搞拈中午一餐，再周圍行下算。然而，心目中，就有了《康樂燒腊飯店》這一個名字。咁就一於去斬大舊叉燒，爽快地來一個燒味飯午餐。

去燒臘店，我最喜歡就係飲佢地既例湯啦。金銀菜湯，用的肉就是燒肉、切雞及叉燒的頭頭尾尾，所以味道很鮮也很甜。傳統燒臘店的湯水，永遠都唔會令我失望。

那天，我看見吊著的豉油雞幾靚，所以我要了一份叉油雞飯。油雞很出色，雞香味中有帶甜的豉香，而那天的叉燒也是絕對的半肥瘦，肉汁，叉燒汁，雞汁同蔥油亦完美地與米飯混合了在一起，令我整碟飯的內內外外都既香又可口。

 改日，算是特登再過來了，這次看中了掛著的脆皮燒肉，所以我來了一份叉燒燒肉飯。燒肉是絕對的脆皮，我坐係度堂食，都見到有唔少人係專程過來買燒肉的，證明有水準。因為只是叉燒同燒肉，店方落重了叉燒汁，飯味更香。

飲品的選擇，就如常地飲熱奶茶。算是好好的一杯，茶味好，奶味好，好香好滑的高水準奶茶，我沒想過可以係燒臘店飲到。

的確，係呢啲傳統既燒臘店食燒味，係有另一番風味的。雖然這些店，通常都好麻甩，好基層，但好多時，好味道既野，就是來自這一些令人覺得不華的食店。《康樂燒腊飯店》，多年來，其實我斷斷續續來過多次了，沒有一次令我感失望。

餐廳名稱： 康樂燒腊飯店

地址：天后電氣道122號舖