[東莞] 名字型到盡頭的《龍子飛龍燒臘茶餐廳》

出入東莞很多次了，不過，通常都是即日來回，冇乜機會會係東莞市內飲飲食食。這次，難得要住上一個晚上，出外食晚飯當然少不了啦，而在翌日的早上，按慣例，又係出外吃早餐的啊。一早從宿舍出來，到辦公室放好背包在座位，就跟老闆出去吃個香港式的早餐了。就在工廠所在地的橋頭鎮，我們來到一間名字幾有霸氣下的港式茶餐廳，名叫《龍子飛龍燒臘茶餐廳》。

在廣東各地，其實有好多這一類型的港式茶餐廳。當中，有不少是香港人移居內地後創立，也有不少，是本地的廣東人，見香港人喜歡茶餐廳，見當地有許多因工作或因家庭而長駐當地的香港人及家庭，就想起開香港式茶餐廳的念頭。像我們，出差來到東莞 (老闆長駐東莞)，早上的一吃，係要食返香港人味道的。

我們一人一份餐，點了一個早晨常餐的我覺得這常餐十分之豐富。Side dish 已經有一隻煎雙蛋，一條香腸同一份多士。店員會好細心地問隻蛋要點煎。我好耐冇俾人咁問過了，唔知點揀之際跟同事要了太陽蛋。這是一個流心、脆邊而不燶的太陽蛋，蛋色不錯，味道也香甜。多士同腸仔雖是一般，但我們感覺到他們是用心去做的。

早餐的主食，是沙嗲牛肉麵。自家製的沙嗲牛，味道十分之濃郁，濃香的沙嗲汁混合了麵湯，令到整個麵都非常之味美。而且牛肉不韌，亦好入味，算是有返咁上下水準。

既然是港式茶餐廳，當然要飲返杯奶茶。這奶茶絕對是香港式的風味。入口夠茶味，夠奶味，也夠滑。不過，這茶再熱一點，會更加之好飲。

在國內住得久了的香港人，一定會懷念香港的味道。我在深圳工作過，也在東莞工作過，同駐內地的香港同事一齊用餐的話，香港人開的，或為香港人而開的茶餐廳，是當地落地生根的香港朋友首選。

餐廳名稱：龍子飛龍燒臘茶餐廳
地址：中國廣東省東莞市橋頭鎮橋光大道橋頭段348號