不過，商人總是聰明的，見香港的燒烤爐位難求，而且有好多人都對透爐、準備食物、飲品、燒烤用具、炭....等等等等，覺得很煩，若是沒有車，坐公共交通工具時，攜帶以上的物品，若是要迫巴士，我真係會死俾你睇，若是一大包肉，一大包炭上小巴、的士，我相信個司機同樣會死俾你睇...於是，就出現了這些自助燒烤場，我們帶個人去，就可以了。
我同太太結婚當日的好姊妹出嫁了，太太亦成為她姊妹團的其中一員，而我就充當當日花車司機，亦因為這樣，我們一眾兄弟姊妹及工作人員，來了一個 gathering，而太太的好姊妹就決定去 BBQ，來這《大美督嘉年華燒烤》，既有豐富美食，又可以完美地，乾手淨腳。
在《大美督嘉年華燒烤》，燒烤，對小朋友同老人家來說，可以算是一個 Hassle free 的一個地方。因為地方夠大，而且未在門口附錢購票，基本上是不能進場。小朋友在場內跑就一定要小心看管，但沒有車，沒有太多閒雜人等，絕對令家長們多了幾分的安心。
場內分了三個區，有港式、韓式、同重慶燒三種，而我們就選擇了最便宜，最受歡迎的港式燒烤。而原因不是因為平，而是出得黎燒野食，梗係一班人圍住個爐，用叉拮住舊肉燒最正最爽啦。
有專人幫大家起爐，是燒烤場的重要賣點之一。試回想一下中學時，透爐呢家野，係一件好難既事，亦令我地深深地體驗到，易過借火呢句話，係正確既。而這兒，有人用火槍幫你完美地起好個靚火，若是全女班來 BBQ，一定是十萬個開心。
食物，基本上是全肉，食完一盆才可以取第二盆，當中，不缺乏牛扒、雞扒、甚至是羊扒，金沙骨、叉燒等等，絕對是豐富，而且，每次換一盆，當中的食物都有少少改變，唔會令大家食死全日牛扒、腸仔、雞翼。
蔬菜包要另付費，$20一份。有足夠的菇菜蕃薯，可以拮住條粟米直燒，不過，我們覺得，蔬菜包要另付費，有少少不歡.....
BBQ，叉住燒係最過癮的，這就是我們香港人的燒烤快樂。雖然，有不少人喜歡外國式的，因為有人幫大家燒，其他可以坐定定食，但人人拮住燒，係十萬分的開心，所以，場內大多數人都是來港式燒烤，其他韓式、重慶式，基本上唔駛等爐。
除燒烤外，這也是一個小朋友的大型戶外樂園，大大的草地，絕對是可以讓小朋友任滾....
場內另有一個 Bouncy Castle，不過有好多小朋友都好曳，俾小朋友入去玩問題不太，只不過要睇住，有乜事佢地都會知道父母係附近。
場內仲有一個角落可以餵下羊仔，大家可以向職員買草，與小朋友一起享受下餵小動物的樂趣。
由中午食到黃昏，我們歡樂不減。沒有特別說會限時，沒有特別地要趕我地走，只是每個爐提供兩包炭，炭用晒就冇得添....冇火，就自然會收檔。有火，就一定會繼續食，繼續燒。是一家大細，叫埋一班姨媽姑姐，以及一大班朋友開心一個下午的好地方。
燒烤場名稱：大美督嘉年華燒烤
地址：大埔汀角路17-29地段
網址：http://bbqparty.com.hk/
沒有留言:
張貼留言