東岸既中國人自助餐 - Rochester Henrietta 《Grand Super Buffet》

在外國逗留得耐，就算唔食飯，總是要食返餐中餐的。那天，是我到埗 Rochester 既第一個晚上，同事說帶我出去食返個 Chinese 晚餐。本來，我興致勃勃地想，會是去一間正式既中菜館，坐低食美式中菜。之後，來到一間《Grand Super Buffet》，都係食美式中菜 ...... but 係中式自助餐囉。中國人自助餐，我係西岸，食過。想問感覺如何就可以自行找一找我的舊文章。呢次係東岸，又會唔又好食啲? 或者是難食啲? 

先唔計好唔好食，但以食物既選擇來說，稱得上是包羅萬有。有中、日、西式的食品，有豬、有牛、有雞、有鴨，也有海鮮。總之，如果你每樣野都來一件，一定會飽到你上心口。

對啦，係有日式野食架，而且仲係壽司及魚生添。之不過，我看見這些食品的樣子，我個人覺得，都是敬而遠之好了。

為了符合外國人既口味同自助餐既精神，這餐廳有沙律 bar 架。如果大家真係食唔慣中國餐，又或者真係想食菜，齋食沙律，應該都可以食得飽飽。(我係外國生活過，真係有外國人接受唔到別國食物，去到中餐館都要鋸牛扒架。我堂兄餐館既鐵板牛扒，長期熱賣的。)

那天，我食咩呢? 我主要食雞，因為來到美國，我好想一試美國中餐廳才有的左宗棠雞。可是，我夾勻晒此餐廳內的所有雞，基本上甜地、辣的，炸的、烤的都有，就是沒有那又甜又脆又帶點辣的 General Tso's Chicken。

只評其他味道的雞件，由豉油雞，到西檸雞，蜜糖雞，總之，呢碟野就係雞，全部都係雞。美國的雞，真係要加上唔同既味道先好食。吃了這幾件，算係放得入口咁啦。好食就一定唔好食架啦，但味道是能接受的。

之後，我吃了少少飯麵，烘到乾乾的，搞到我連影相麵覺得費究。之後，我決定試一試他們的海鮮。所謂的海鮮，主要是貝類的食品。除青口外，大部份都只是鹽水煮，食到的就是蜆、貝的原味。

如果我說這一餐好味既話，咁那天我一定會係餓到饑不擇食的那個地步。看過網上的評價，原來這地方有做中國人旅行團既團餐的。在 google 的評分內，中國人給的，都是差評，老外的，竟然有唔少好評啊。證明到，這就是一間 "呃鬼佬" 的中餐廳。

餐廳名稱：Grand Super Buffet

地址：E.Henrietta Plaza, 1100 Jefferson Road, Henrietta, Rochester, NY, USA

網址：http://www.grandsuperbuffetrochester.com/