等飛機咖啡 - 首爾仁川機場《Angel-in-us Coffee》 (엔제리너스)

韓國五天遊的最後一個地點，就是回到首爾仁川國際機場了。辦好晒行李寄艙，過晒安檢，退埋 VAT，我們就直接去閘口附近，等。等等下，大人同小朋友都餓了，而就在登機的閘口旁，有這一間《Angel-in-us Coffee》。咁，我地就簡簡單單，食三文治餐作為我們上機前的小吃，頂頂胃。

簡單方便，我們只買他們一盒盒預先包裝好的三文治。再加兩杯飲品，就成為我們一家等上機的一個小晚餐。再者，我們只能坐在機場內的長凳食用。三文治，的確是最衛生同一定唔會食到周圍都係食物渣滓的東西。

給小朋友的一份，是 Ham Cheese and Egg Sandwich。不過，最終的結果就是，阿仔一個人食晒。這一份三文治，絕對是饀料豐富，中間有醬，有碎火腿肉同青瓜的，更是可口。

另外的一個三文治是 Chicken Breast Black Sesame Sandwich。 三層的三文治，吃半邊已經夠飽。芝士及雞肉沙律既配搭亦好夠味道，甚至比起阿仔食的火腿蛋治更香口。我分一半俾阿女，佢淨係食晒啲肉，包包菜菜芝士俾返我。

太太茹素，並未能在咖啡店找到合她心意的食品。所以她只有了一杯飲品，配自備的乾糧。她要了一杯抹茶 Latte。這一個抹茶 Latte，很是濃郁，氣味也十分之香。沒有糖的版本，能飲出抹茶原本的那種苦澀味同牛奶的香味。

我就要了一杯凍 Americano，有咖啡香但味道是淡淡的。我之前在首爾市區飲過一次，味道同感覺是一樣的。所以，我既評分就係，好飲。

OK 好食同好飲架。係仁川機場等蛋機，遇到這《Angel-in-us Coffee》，簡簡單單食少少野，使埋手上剩返既韓 won ，飲杯野食個包再上機，算係唔錯既選擇。

咖啡店名稱：Angel-in-us Coffee (Incheon Airport T1 Gate 49店)

地址：대한민국 인천 공항로 272, 제1여객터미널 3층 면세지역 49번 게이트 부근 (Near gate 49, duty-free area, 3rd floor, Passenger Terminal 1, 272 Gonghang-ro, Incheon, Republic of Korea)

全韓國連鎖