去到韓國，周街都可以見到既除了 oppa 之外，我可以說，竟然是《貢茶》。基本上，每一個商業中心區，甚至連在樂天世界既樂園內及商場內，都會找到《貢茶》。在香港，幾乎所有《貢茶》都是小型的外賣手搖飲品店；而我們在首爾見到的，好多都融入了當地的文化，幾乎每一間都是以小 cafe 既形式去經營。那天我們一家四口行弘大，咁啱又想試下韓國既珍珠奶茶，見到有《貢茶》，咁就決定入去搵個靚位，堂飲。
其中的一杯是芋香珍珠奶茶。同在香港飲到既《貢茶》相差無幾，都係一杯好水汪汪的珍珠奶茶。幸好我們要了少甜，不然，我們飲到的，就只有芋頭同甜味，而沒有茶味。
另外的一杯，是普通版本的珍珠奶茶。沒有外來因素既影響，就飲得出有茶味了。但，這荐味真係好淡。幸好，就是粉買珍珠夠Q彈，味道也夠甜。雖不是如意，但大家也算是飲得開心。
沒有中伏既。因為這是市面上一般《貢茶》的味道。我只可以說，《貢茶》已經不再是坊間最好飲的一間台式手搖飲品店。奈何，就是名氣大，亦有人喜歡他們淡淡的茶味。所以，依然開到全世界都有。
茶飲店名稱：貢茶 (Gong Cha) (弦山店)
地址：대한민국 서울 마포구 어울마당로 114 (114 Eoulmadang-ro, Mapo-gu, Seoul, Republic of Korea)
全南韓連鎖
沒有留言:
張貼留言