吃一碗清粥，方為《大師傅》

唔舒服，會選擇食粥，天氣熱，會選擇食粥，唔想吃太多東西的一天，也會選擇食粥。但，石門這一帶，感覺就是欠缺了這些給大家輕食的粥店。然而，去年年底，真係有一間真真正正的純粥店進駐在這一個生活小區內了。插旗的是一間連鎖品牌店《大師傅粥品》。我來吃的第一天，真的是腸胃出了問題，想吃清一點而來。第二次來，那天就是因為不想吃太多東西，所以就來一粥一腸粉，輕食午餐。

第一天來，是腸胃病後的一天，所以我決定清清地食個皮蛋瘦肉粥。綿綿而且是熱辣辣的白粥，滾熱辣地倒入早已經盛載著皮蛋同咸肉的大碗內，粥保持強勁的熱力，而瘦肉同皮蛋的味道，也完美地滲出在白粥內。當我口咬皮蛋同瘦肉時，清甜的白粥味也緊緊地粘上皮蛋同瘦肉上。靚既皮蛋瘦肉粥，就係有咁樣既奇妙感覺。

隔了幾日，人叫做好返少少，也決定來這兒，食粥。那次胃口好少少，就來一粥，一腸粉。

粥，我要了一碗及第粥。及第，即係豬雜既別稱。而這兒的及第，絕對是大大件，吃入口，件件爽口，咀嚼感也非常之豐富。由於是生滾粥，豬膶的味道完美地同粥混合，也是一個非常奇妙的味道。

而腸粉，我要了一客叉燒腸。這一個皮薄饀靚的腸粉，果真是靚過唔少酒樓既出品啊。再加上豉油夠甜，內裡的叉燒又粒粒分明，果真是內外都好味道。

很難得，在新區出現一間非常傳統既粥店。有好既粥底，有好既腸粉，有好既味道，唔駛話一定要病先食粥。想簡單食，不想大魚大肉時，來食碗滾熱辣既靚粥，也是開心的。

餐廳名稱：大師傅粥品 (沙田石門店)

地址：沙田石門安群街3號京瑞廣場1期地下G02號舖

全港連鎖