這一次，餐廳很獨特地為我們 set 好晒6人一檯。有梳化的檯，也有正式的餐桌。同場的女士們比較喜歡梳化位，感覺上比較 relax ，男的反而喜歡坐上正式餐桌。而我，因為要同部門一齊坐，而且大部份都係女士，所以我們就被安排坐梳化檯了。另外幾張梳化檯，就給了幾位帶埋家人來的同事一家人快樂地 party。
老闆簡單祝賀幾句之後，店員亦示意所有食物都準備好之後，我們就分批出來拿食品。排得整整齊齊的葡撻同 cold meat，先令人感覺到，頭盤食品是豐富的。
雖然，這是私人派對，準備的食品絕對不比正式的自助餐少。佈滿甜品的檯，雖未必會一一去試，但也是令大家感開心的。
沙律吧以新鮮的蔬菜為主，再配合三種不同口味的cheese。簡簡單單，絕對是大家的開胃之選。
正式的自助餐，不缺乏的，就是大型的冰鎖海鮮 corner。想不到這一個私人的包場派對，也有一個同酒店自助餐餐廳的一樣，有一個非常豐富既海鮮陣，扇貝帶子，生蠔，蝦同青口，應有盡有。
主食的選擇也夠多，而且並非樣樣都是肉。有足夠的蔬菜對我們一班上左少少年紀既同事來說，是一個好選擇。
另外有一個無限量供應既西班牙炒飯。雖然，只是一個濃濃海鮮味的蜆炒飯，但味道好又不太介意個飯冇料。
另一個主食是白汁長通粉。同樣，都係一個冇乜料既意大利粉，但勝在夠濃奶油味，味道上搭夠。
肉類有火腿片及三文魚，簡簡單單的，不會不好食，也不會令到大家不飽。
要令大家飽肚同覺得值回票價，一定有扒類既食品。其中一個熱門的，是我次次行出去都幾乎被搶光的羊架。同埋烤到剛好熟，仲有少少升紅色的牛扒。
這一次，我就沒有從沙律開始我的自助餐了。一來，就來個海鮮大拼盤。由於此酒店也有一間正式的自助餐餐廳，所以食物的出品，尤其是海鮮類的出品，是有水準的。至少，每一樣都吃得出鮮美。
主食類雖然是樣樣都飽肚，但有魚有肉的配搭，點配都沒有違和感。
突然，我想飲下湯，就拿了一碗西湯。自助餐的一大煲南瓜湯。其實，只是一個簡單的茶餐廳西湯味道，好飲，但唔會有任何驚喜。
值得讚的，就是那烤羊架了。有足夠的羶香，有足夠的肉汁，再加有唔少羶味源頭的羊脂肪，像我這一個喜歡羊肉的人，直頭愛死了這一件羶貸。
烤牛肉，應該是烤牛柳。似乎，這是完美的半生熟，也就是 medium。肉質嫩滑得很，肉汁也豐富得很。再者，牛肉味道既豐富又豐厚，配合著菜一起品嚐，是最佳的。
一下子，就來到甜品時間了。芒果小布甸，小小蛋撻同不同口味的聖誕 cake 既味道，都算OK架。
餐廳名稱：Alibi – Wine Dine Be Social
地址：旺角上海街555號香港康得思酒店5樓
沒有留言:
張貼留言