迪士尼食快餐 - 火箭餐廳 (Starliner Diner)

2023年，疫情緩和了，香港好多設施都重開了。當然，受小朋友歡迎的主題樂園也重開了。所以，2023年，我們一家買了年票，一家人入迪士尼樂園，玩個夠。同小朋友係迪士尼，睇埋煙花，的確可以玩一整日。而且，由今年開始，我們豁出去了，好多時都決定係樂園內食野，而最啱大家口味的，就是《火箭餐廳》，因為位置好，同食物出品是絕對的老少咸宜。最近幾次來，都係呢度用餐，那就撰文評一下。

火箭餐廳成為我們在樂園內首選用餐地點的原因，除了是因為食物出品夠晒老少咸宜之外，餐廳是位置也是非常重要的。因為餐廳的其中一個露天的餐室，是幾乎正面對著城堡的，晚上早點來霸位，就可以邊吃邊看煙花了。

火箭餐廳主打就是漢堡同炸雞。當日不想吃漢堡包的我，就來了一份炸雞籃套餐。兩件大大的炸雞，是真真正正的美國 size，不算厚粉，但肚雞肉卻是厚厚的。肉質嫩滑，咬開又非常之 Juicy。如果唔係熱氣，相信我次次來都會食呢個。

近來才發現，幾乎整個迪士尼樂園內的餐廳都是素食 friendly 的。而這也是令我們覺得，值得留在樂園內吃喝的原因。而《火箭餐廳》的素食餐就是植物肉漢堡套餐。植物肉，好彩既，佢地會烤到好 Juicy，唔好彩既就會是好乾既一塊素肉扒。即係好彩既，好食，唔好彩既，就口感欠佳啦。然而，漢堡包配上了青醬，又幾可口的。

而薯條，就是簡單的香脆可口，而且，這是原隻薯仔切出來的薯條，薯味是份外濃郁的。

兒童蘑菇雞扒包套餐，是一個很細的雞扒包仔，本來是給一支水的，加錢才變成一支橙汁。再配有一杯橙肉，咁就係一個蟻俠與黃蜂女主題既兒童餐啦。叫了一次，覺得搵笨，唔會再點呢個餐。

大家最喜歡的，始終是漢堡包，大胃王的三位男士，最常點的就是火箭特選牛肉漢堡套餐，而且我們都會點雙層牛肉的這個 size。這絕對是一份手打肉的牛肉漢堡扒，因為吃入口時，吃得出有粒粒分明的肉質感，再者，芝士味又濃又香，十分之好味道。

前一陣子，因為配合了樂園新的 Marvel 主題，推出了一個 Iron Man 主題的漢堡套餐。有少少已經變成美式 Superhero 迷的仔仔，就開始迷上了這一個新推出的漢堡包。

這就是鐵甲奇俠菠蘿豬扒漢堡套餐了。大大隻的包，配上了一片脆豬扒，有一層芝士，也有一片大大的菠蘿。而且，個包是紅色的。(因為當晚我們坐了在半露天的位置，在燈光的影響下呈現唔到原色。總之，個包大大隻，豬扒又夠香脆。有少少希望，這包會長期有。

因為新既樂園主題，搞到連可樂杯都變成了 Iron Man 風格。因為可樂就是可樂味，汽水就是汽水味，最多都只係講，這杯可樂，夠氣夠甜就行了。

來了多次，覺得這餐廳好好食的，應該不只是少數人。原因就是，這餐廳經常要排長龍。另一個原因也就是，夜晚真係有唔少人，特登來買份野，霸靚位邊食邊睇煙花。

餐廳名稱：火箭餐廳 (Starliner Diner)

地址：大嶼山香港迪士尼樂園明日世界區