老當益壯港味道 - 花園餐廳

在香港，想簡簡單單鋸下牛扒，唔好話只是以前，就算到今時今日，許多人都會想起香港式的豉油西餐廳。當中，人人掛在口邊的，相信就是到而家仍然遍佈港九新界的《花園餐廳》。這日，中午突然想簡單地食下牛扒，咁啱公司附近就有一間《花園餐廳》，我便一個人來食返個牛扒午餐。

紅湯，也就是羅宋湯，可以說是港式西餐廳既靈魂。而《花園餐廳》的羅宋湯，多年來，都是這麼的出色。味道香，有可口的微辣感，湯料亦夠多。再加點胡椒粉去增強辣感，更是好。

傳統的港式西餐廳，必定會有豬仔麵包一隻來給客人伴湯。暖曖地既包，更是香口。切開，加入牛油，有人會點湯有，有一會一啖湯一口包。而我比較喜歡做後者。

是日的特價午餐牛扒，是紐西蘭肉眼扒。因為是午市白紙仔的每日套餐，是不會用鐵板上的。香港式的牛扒，通常都不會不腍，腍得黎仍保留到牛肉才有的獨特味道已經是好。加上燒汁之後，味道更濃香，配合薯條一起吃，比起配飯，配意粉更可口。當然，食此類牛扒，鐵板上一定會更佳。

平時食西餐廳，我一定會要杯熱咖啡。但當我在港式西餐廳的時候，我會比較喜歡飲熱奶茶。因為，香港傳統的絲襪奶茶，一家會比香港傳統的茶記咖啡更好飲，更香滑。而《花園餐廳》也不例外，絲般滑的絲襪奶茶，又香又濃，味道令人滿意。

香港人的牛扒熱店，多年來都是咁啱香港人的口味。想食牛扒，又唔需要食到好高級既時候。《花園餐廳》呢一類簡簡單單，老少咸宜的味道，唔可以話唔好。

餐廳名稱：花園餐廳 (北角店)

地址：北角英皇道275號南天大廈1樓

全港連鎖