超人氣的 This This Rice - 超人雞煲烤魚

食店出現人龍，一係好食，一係好抵，當然也有是因為店子夠潮，可以吸引到人們專程來打卡啦。在我工作的地方炮台山，就有著不少口碑好的人龍店。這一次，我就要跟風去排《超人雞煲烤魚》。看看這一間日夜都有人龍的 This This Rice，有咩咁巴閉。

那一天，是為了買飯回家同小朋友開心一下。時間亦只是下午的6點15分，當我一行到門口，排隊買兩餸飯的人龍，已經達兩個舖位咁多。

我排了約15分鐘，才到達店前，才看清楚是日的餸。果真，選擇多羅羅。當時是11月，我看見有大閘蟹，羊腩，可作為兩餸飯的餸，也可以淨餸出售。當然，大閘蟹，羊腩，有次仲見到龍蝦，都是要俾貴幾陪價錢的貴價餸。

好不容易，買到三盒飯，以這圖通知了家人買了飯，就高高興興地回家去。

回到家，我、阿仔同阿女已經急不及待地要打開我們的兩餸飯餐。給兒子的，是生炒骨加雞骴。就是因為我看見大大隻的雞骴而決定一人有一隻。生炒骨甜美可口，雞骴啖啖肉，非法好。

蕃茄炒蛋加雞骴，是給小女的一份。當然，這一個份對她來說，是很多的，要分兩次以上食，仲要留返少量要我包底。雞骴好味道不多說了，另一半的蕃茄炒蛋，非常之香滑，帶點蛋汁同茄汁，伴飯十分好。

我自己的一份，是豉汁涼瓜加雞骴。雞骴也不多說了，豉汁涼瓜就多汁入味，豉味滲入了涼瓜肉內，更可以說是滲透了。濃豉味配合涼瓜的軟苦味，再以那豉汁伴飯吃，唔錯。

隔了一個星期，我又為小朋友買外賣飯回家 Happy 了。這一次只要兩盒，因為上次既經驗話俾我知，兩盒飯已經夠我們一大兩小吃。這是我看中了炆雞，鹵豬肉加炸蝦。炆雞同鹵豬肉，其醬味濃郁已經是夠令人吃得多幾淡飯落的，而炸到連殼都脆的蝦，更是夠鮮甜。

另一個飯盒是雞骴，鹵豬肉加炸蝦。三個餸在之前都說了，我同小朋友都對這三個餸有信心，當然食得開心。

我們一家都吃得開心，相信經常在排隊的人士也有雷同的感受。排了兩次，吃了兩次，令我深深的感受到，這店值得有一條人龍。

小食店名稱：超人雞煲烤魚 (炮台山店)

地址：北角炮台山英皇道163B號地舖

其他分店

小食店名稱：超人雞煲烤魚 (荃灣店)

地址：荃灣沙咀道281號地舖