金雞 SK

《金雞》，係西貢好多年，出左名都好多年，連市區分店都開埋。唔知點解，到今時今日先至第一次去試佢。說真一句，貴為西貢居民，係區內，真係食開果幾間就果幾間，同埋好多時都只係賣個外賣走。所以，有好多食店都未真正食過。這次，也是難得的一個人在西貢，就決定周圍去搵下野食，而《金雞》就是我這次的選擇。

《金雞》雖然是一間海南雞飯的專門店，但絕對不是 "金雞一味"。朋友說，他們的豬手同肉餅都係好出色的。之不過，這是我第一次來，當然要食招牌既海南雞啦。而海南雞飯餐就包一個例湯，飲得出是以雞湯為湯底的老火湯，非常之甜美。

是日的主角，就是一碟祛骨的海南雞飯。他們給我的一碟雞，可以用皮光肉滑來形容。而且，雞肉的肉質非常之嫩滑，點一點醬 (最好就是三款醬都點晒)，入口更是香口惹味。亦把雞皮下的油脂香味增強。再者，雞油飯也是極之香口的。

食完，在回家途中慢慢欣賞圖片時，我才 feel 到這店為何叫《金雞》了。因為他們的雞，真的是金黃色的。色澤靚，味道佳，絕對是色香味俱全的靚靚海南雞飯。

餐廳名稱：金雞 (西貢店)
地址：西貢福民路34號地舖

其他分店

餐廳名稱：金雞 (荃灣店)
地址：荃灣昌泰街3-5號富榮大廈地下2號舖

餐廳名稱：金雞 (佐敦店)
地址：佐敦白加士街85號地舖

餐廳名稱：金雞 (九龍城店)
地址：九龍城衙前圍道84號地下B號舖