麵屋丸京 - 好好肉的一碗拉麵

記得有一次，一家人在看日本的電視 channel，剛好看到有一個節目係介紹日本各地既拉麵。其中推介的一間，就是把所有叉燒圍住碗邊，搞到好似食成碗肉一樣的拉麵。我同阿仔說，這一款拉麵，香港都有得食。而當日，咁啱我地決定去葵廣行街，一落巴士就見到這《麵屋丸京》。我同阿仔說，就是這一間好好肉既拉麵店。太太就立即放行，佢先去葵廣行街食野，而我就帶同兩個小朋友，食拉麵。

同仔女行到《麵屋丸京》既門口，兩個小朋友見到幾碗拉麵既照片都大聲嘩然了。阿仔第一個推門入去。

由於阿女仲細，冇可能食得到一碗咁大既拉麵，所以我們決定分點點給她吃及另加小食。其虯的一個是香蔥沙律炸雞。用了日式的沙律醬，所以入口有少少酸酸的味覺感受，再者，連埋蔥花一起吃入口，很香。

另外添加的，是日式餃子。皮薄，也煎得夠香脆。只是我們覺得，餡內既豬肉做得唔係幾夠香而已。

丸京拉麵，是一個包含了兩款叉燒的拉麵。一邊是普通的日式叉燒，而另一邊是利用慢煮方法來製作的 "真叉燒"。兩款叉燒，兩種口感，普通的叉燒雖然粗鞋了一點，但味道就比較濃郁。而真叉燒吃起來就比較香滑，肉積也嫩一點。

真叉燒拉麵，就是一個純 "真叉燒" 伴碗邊的拉麵。成碗都是真叉燒，直頭可以完美地感受到肉既香滑感覺。沾上了湯汁的叉燒，味道又增添了幾分的濃香。麵條方面，其掛汁能力幾好，每一口麵都能夠掛上一定的湯汁，吃起來更美味。

好好肉，也好好味的拉麵。說真，單是看見碗邊的叉燒肉，已經能令任何食客感覺開心同滿意。食日本拉麵，除湯底外，叉燒都係好重要架。

餐廳名稱：麵屋丸京 (葵芳店)
地址：葵芳興芳路188號地舖

其他分店

餐廳名稱：麵屋丸京 (深水埗店)
地址：深水埗荔枝角道319號地舖

餐廳名稱：麵屋丸京 (荃灣店)
地址：荃灣昌泰街9號地舖

餐廳名稱：麵屋丸京 (牛頭角店)
地址：牛頭角宜安街9號地舖

餐廳名稱：麵屋丸京 (屯門店)
地址：屯門青菱徑6號富麗大廈地下D1號舖