排隊食雞髀 - 祥發茶餐小廚

我又去排隊了。這一次因為要到港運城一帶做野而有一個 long lunch。喜歡吃的我當然唔會咁老土咁入該商場搵野食啦。所以，我行左入後街尋寶。而這一次，我的確尋到一個飲食的寶地啊。這就是於中午時間，排晒大隊的《祥發茶餐小廚》。店面寫左瑞士雞髀專門店，咁就一定要試下瑞士雞髀啦。

由於這店的人氣太勁，當我仍在排隊的時候，就已經有店員要求我事先選定食咩野餐。仲要說，一旦落了單，不准改，也不准加單。好霸氣啊。結果，當店方安排好我坐在那兒之後，不用九秒九，就已經有野食來了。

首先來到的，是瑞士雞髀。雞髀出場時，是一大盤地出，幾乎是人人有份，永不落空的，每檯都放一碟。證明到，這兒幾乎 100% 的客人都是為這瑞士雞髀而來。這雞髀，入味到連骨都有味，炆到腍一腍，可以令你兩三下，甚至牙唔夠力的老人家同小朋友都可以速速地食晒呢個髀。

本來，一份午餐，飯才是主角。來到這兒，卻是例外的，有"飯" 的主食是迷你紅腸鰻魚飯。顯然，主角是瑞士雞髀，飯餐，是午市套餐的配角。這一小片的鰻魚，是連埋燒汁一起入碗的，香口味濃，絕不是馬虎之作。紅腸飯加上了甜豉油 (瑞士汁)，很傳統，很本土的香港味道。

跟餐的奶茶，奶落得好足夠，做到了濃香滑的感覺。可是，當我食完隻雞髀，已經開始匆匆地收我碟了。醒目的我就只好快快趣飲晒，讓座。

都是老土的這一句，好味的店，值得有人龍。不過於繁忙時間，給你用餐的時候也許太短，只好狼吞虎嚥地吃，也沒有時間去細心看 menu 去選擇更啱心意的午餐。如果我揀得更好，相信這一餐會更好食。

餐廳名稱：祥發茶餐小廚

地址：北角七姊妹道27D號地舖