人人都爭住《上車》

《上車》應該是每一個香港人的夢想，也是惡夢的開始。明既就一定明我講乜，唔明既，我就簡單解釋一下何謂《上車》。《上車》在香港人口中，即是成功付了樓宇按揭，首次置業"上車" 慢慢供樓，然而，一上這一部車，就是漫長的供樓年月，期間可以 "車" 換 "車"，繼而改善生活環境。但，一旦出現問題，供唔起，落車既痛苦更 hurt。

不過，今次所說的文章並不是地產文，我要說的人人爭住《上車》，是一間位於石門，幾乎日日都排長龍的車仔麵店，店名就是《上車》。

又是一間玩食字遊戲的小店，《上車》，取車仔麵的 "車" 字，"上" 來食 "車" 仔麵的意思。而且，中午的時間，往往要排大隊，等《上車》。

我一個人來，當然不需要等太久，我一坐低就來一個四餸麵，配料是豬紅、粉腸、豬皮同韭菜，配以食車仔麵才會要的油麵，再加埋一個味道既濃又鮮的牛腩湯底。單是看湯底的色水，已經看得出這車仔麵並不是馬虎了事的出品。豬紅味道鮮甜，入口亦爽，粉腸煙韌，入口的確起粉同帶少少苦，豬皮又厚又爽口，惟獨是韭菜太過韌了，不過，韭菜的味道確是甜美非常。

味道很好而且又令人感覺到是衛生的。怪不的，在石門工作及讀書的大家，人人都爭住《上車》。

餐廳名稱：上車
地址：沙田石門安群街3號京瑞廣場1期地下G06號舖