便宜是硬食的道理 - 西九龍中心的《雪糕達人》

西九龍中心的 food court，是一個臥虎藏龍的地方應該人人都知道。西九龍中心好多食店都平到你唔信，也是一個應該人人都知道的事。

前陣子，一間車仔檔的平價雪糕黯然結業了。令到許多人，尤其是有小朋友的低收入家庭失望。其實，大家不需要失望的，因為場內其實仲有一間雪糕店，賣好平好平既雪糕，這就是位於8樓 food court 內的《雪糕達人》。

我們花了$10，要了一份4球的雪糕杯。店中有好多個味道可以選擇，而這一4球雪糕，就全是我太太同兒子的 choice。

有豆腐，薄荷朱古力，石板街同海鹽4種味道。

白色的是豆腐，味道淡淡地帶豆香。石板街雖然拍不住外國大牌子雪糕的出品，但有夠濃 cookie 的香味。薄荷朱古力，很重薄荷味，很 typical 的薄荷朱古力雪糕。海鹽倒是一個驚喜，賣相像一個雪葩，入口有輕輕的 creamy，creamy 的奶味中帶出來的是咸咸地的味道，非常之特別。

又平，又夠好食。這一些既便宜又能夠令人得到開心的食品，食店，值得大家去支持。

餐廳名稱：雪糕達人
地址：深水埗欽州街37號西九龍中心8樓74舖