一直都沒有動力再來，原因，好簡單，真係好簡單，因為坊間有太多比《一蘭》更好，以及好好多倍的拉麵店。而今之突然有動力來的原因，就是我果晚做野做到成3、4點，正飢餓時又不想去食夜粥，又唔想去那24小時的茶餐廳。半夜三更，仲有咩地方有野食呢? 我想起了《一蘭》。
沒想到，門口沒有人龍並不代表《一蘭》不用排隊，原來店內有一個地方係專俾人排隊。我一入去，店員說要半小時，當時，有一些帶點醉氣的人，也有一些似12畸後銅鑼灣我話事的人開始氣躁，有罵的，有胡亂說話的，也有一兩個硬入說朋友已在的.....幸好，也幸運，沒有打架的事件發生。
我的確等了近半小時，店員開始招待我們入去了....嘩，真係想講句粗口，我們一班被招待入去既人仲要排排坐，繼續等位。但眼見下圖，店員堅稱沒有位，有人手指指時，店員堅稱座位未 ready....難怪，許多人都感覺氣躁。
到我了，我發現所有吉位的確未 ready，有幾個位直至我吃完走了也未 ready。原因是什麼? 原來是沒有員工去清理座位。而我要坐的座位，就是《一蘭》出晒名的獨自食麵位。講真，咁樣食麵法真係好孤獨架......
肚餓了，立即填好紙仔，入紙等拉麵。我沒有加點，就最簡單的《一蘭》拉麵算了。
拉麵來了，同坊間其他的拉麵店去比，《一蘭》的拉麵很是普通。要求走了蔥，令到拉麵看起來更加之單調，我加了所謂的秘製醬汁，其實是一個像七味粉的辣醬。的確，該少少的辣醬增強了單調的豚骨湯味。此外，得果片仔叉燒，感覺唔係幾夠喉。太耐沒有來了，早記得，我加蛋加多片叉燒。而麵我選了我喜愛的硬身，味道仍然是 OK既。
湯底就是味道極濃厚的豚骨湯，而且好多油，飲落好熱，亦會令人好飽。但，今次我並沒有按傳統咁飲晒佢，因為個湯實在太濃了，喉嚨感覺有點不太舒服，我都好努力去飲，但飲到這一個位，我無能為力了。
想不到，第二次來《一蘭》，食物同服務都已經可以用一落千丈來形容。麵，不是不好食，而是早已經被坊間其他的拉麵店超越了。日後，唔知我仲有沒有再來的動力呢?
餐廳名稱：一蘭 (銅鑼灣店)
地址：銅鑼灣謝斐道440號駱克大廈A座地下F-I舖
其他分店
餐廳名稱：一蘭 (尖沙咀店)
地址：尖沙咀棉登徑8號地庫B舖及地下入口大堂
沒有留言:
張貼留言