香港達人 - 食個茶餐變達人

達人，其實要做一個達人，好簡單，真係好L簡單，識條鐵已經得架啦。 因為不少人，跟團去過首爾、東京，就自稱韓國、日本達人；食過一兩間拉麵，就話自己係日本菜達人；大讚部隊鍋好L好食既，也就是韓國菜達人。所以，做一名達人，真係好L簡單。

而是日，我找到一個可以令自己成為達人的機會啦。這就是我在烏溪沙站的迎海商場找到的一個可以令你我變成達人的地方，而這一個地方就叫做《香港達人》。

《香港達人》是什麼? 是一個達人出沒的地方? 屌，講真邊L度有咁多達人吖，真係如電視節目所說咩。做達人邊有咁容易，要真真正正做達人，要付出架，如果可以食過/去過就變達人，我相信會等同 "食左酸梅乾變超人" 一樣，連烏鴉都會大叫你 "傻瓜"。

回正題，《香港達人》是一間茶餐廳。

早餐，我喜愛食公仔麵，是日食的是豬軟骨公仔麵，好的，是一個有味的湯底，豬軟骨肉腍，味道也夠香夠入味，不過軟骨未達至最腍既程度。

大家也知道，我去茶餐廳早餐，成日都食公仔麵，我可以變公仔麵達人嗎? 不行，前排新聞報導說，日本有位哥仔，自 2006 年以來，吃了 4300 包不同口味即食麵。這一個我的確要欽佩佢為一名達人，點解? 大佬呀，人地搵命仔搏架....

另一天，晚餐來，我決定食西式的豉油扒餐。而香港式的豉油扒餐，識食識飲的，一定會要一個紅湯，羅宋湯。這一個羅宋湯的味道雖然夠，但感覺稀了少少，至少我覺得，我碗湯唔足料。

飲得多羅宋湯又可以變達人麼? 相傳羅宋湯來至俄羅斯，維基又解說給我知這其實是來至烏克蘭的美食。而且，今昤今日的羅宋湯，是傳入中國之後，由上海人改良而成的。可想而知，這是一道中菜，而且是上海菜。要成為達人，相信要去上海的西餐廳試試及要去俄羅斯、烏克蘭飲過食過比較過才可以講俾人聽，你係達人.....

在茶餐廳食扒，一係用鐵板上、一係用碟上(<---- 廢話)，通常都會比較腍，因為古法做牛扒一定會用上鬆肉粉，就算沒有，也用揼的方法，令肉質鬆散，容易食。我是日食的不是貴扒，70幾元的貨仔，不過不失。

要做豬扒牛扒達人，我覺得你若是有恆心、有信心，界 (界刂 ) 盡世上所有豬扒牛扒，仲要哽得落，而且係有心有力地做，成功後，我就一定封你做達人啦。

奶茶，英美印巴中東的奶茶不在此列，劉若英也不在此列。因為香港我絲襪奶茶，應該是一個香港獨創的飲品 (有錯請指正，因我不是達人。) 是日的奶茶只能說是一般，沒什麼要特別表揚的地方，合格就是美。

奶茶王我聽得多，奶茶達人就真的未聽過。相傳香港的絲襪奶茶真係用絲襪沖的，仲要係用老闆娘著了一天的絲襪包茶葉去沖。如果真係有呢味野，又有人咁重口味去試既，咁你的確既係奶茶王，奶茶達人，奶茶神，奶茶仙都俾你做。也許，老闆娘的絲襪太重口味，用老婆、女友著過未洗的絲襪沖茶，相信大家會容易接受一點，而且我相信這樣亦會有催情的作用，若是大家願意去試而另一半又冇鬧你變態既，奶茶達人仲唔係你........

好，我對《香港達人》的感覺，是一般般，是合格的一間茶餐廳，而且食完係唔會令你變達人，變超人既。而達人這一個稱謂，我講真，唔係人人到揹得起，因為達人呢家野，係要搵命搏架......

餐廳名稱：香港達人 (馬鞍山店)
地址：馬鞍山烏溪沙路8號迎海薈2樓6號舖

其他分店

餐廳名稱：香港達人 (天水圍店)
地址：天水圍天恩路12-18號置富嘉湖二期地下G01C號舖

餐廳名稱：香港達人 (荔枝角店)
地址：荔枝角深盛路9號宇晴匯2樓91-93號舖